2003-10-18T14:38:00.000-02:00

2003-10-13T12:50:00.000-02:00

Langt síðan ég hef bloggað
Var í öðru sæti á eftir Hjalla í magic móti í gær, NERDS. Er þrrrULLUþreyttur í LIM tíma núna... farinn að sofa eða eitthvað..
bleh.

2003-10-08T21:09:00.000-02:00

Var að koma úr Fellaskóla, þar sem ég og Hjalti fengum aðstöðu hjá Ármanni Einarssyni til að klippa stuttmynd sem hóp okkar var falið að gera í lífsleiknitíma. Ég mætti á staðinn klukkan hálf fimm og var að koma heim núna um kl hálf ellefu. Samkvæmt niðurstöðum mínum var ég ógeðslega lengi í burtu, án þess að éta, sofa né lita.
Þetta var alveg hræðilega gaman, og tókum ég og Hjalti ófá lögin í karokee, þar má nefna Pocahontas lagið, Say my name með destinys child með dönskum frumsömdum texta og svo love theme-ið í lion king.
Myndin okkar er stórbrotið listaverk og tel ég öruggt, ef ekki fullvíst að við fáum amk. 1 óskar fyrir þetta.
Núna held ég að ég komi mér í háttinn því ég verð að skrifa um Erró sýninguna sem ég fór á og læra danskar sagnir.
Góðar stundir

2003-10-07T22:16:00.000-02:00

Eftir helgi mikils nördaskaps og internetleysis sný ég aftur tvíefldur og glými við þrautir og skyldur sálarlífs míns, sem og námslífsins.
Ég vil byrja á því að biðja Sigga og Sigurjón afsökunar á því að geta ekki klárað skákirnar sem ég var að tefla við þá gegnum netið..
Ef þið eruð að lesa þá sorry, og ég elska ykkur.
Fór á Eskifjörð í dag á vegum SJL 103 að skoða Erró sýningu. Var í bíl með Árna og þetta var ágætt allt saman, skemmtilegastur var þó presturinn sem sýndi okkur kirkjuna. Eftir að hafa talað slatta um kirkjubygginguna sjálfa talaði hann um að guð væri mesti listamaður allra og tók okkur krakkana sem dæmi um stórbrotin listaverk guðs. Við berum listina í hjarta okkar.
Ég tísti og roðnaði og minnstu munaði að ég skellti upp úr af hlátri.
Annars eru bara mjög leiðinlegir hlutir í gangi núna í lífi mínu, enskupróf í dag, stærðfræðipróf á morgun og dönskupróf á fimmtudaginn. Ég er að íhuga hvenær maður ætti að reyna að koma skákæfingum af stað, þ.e. á hvaða tíma. Var að hugsa um föstudagskvöld kl 11 en það verða örugglega allir hvort sem er í tölvunni þá.
Nördakvöld á morgun og annað á fimmtudagskvöldið, við í "Bjór og klám klúbb ME" (einnig þekktur sem "Roleme") erum að plana að panta okkur pizzuhlaðborð eitt spilakvöldið og hafa skyldumætingu í búningum með sverð og tilheyrandi hluti sem eru nauðsynlegir í roleplayið.
Ég er einnig að pæla í að fara að stúdera heimasíðugerð eitthvað af viti, er farinn að hafa áhyggjur af því að ég sé ekki talinn nógu mikið nörd fyrir.
Áður en ég kveð í kvöld kasta ég kveðju á alla kennara í Fellaskóla sem eru að lesa þetta, sem og mömmu mína og pabba en þau eru eflaust búin að komast yfir slóðina þannig að nú verður maður að fara að passa sig hvað maður segir.
Góðar stundir gott fólk

2003-10-06T21:18:00.000-02:00

AFSAKIÐ

En ég hef verið netlaus í fleiri mínútur og daga og hef ekki getað bloggað, ætla að sofa núna og læra smá, góða nótt knúsubangsar

2003-10-01T15:40:00.000-02:00

Hetjur eru stór hluti af daglegu lífi okkar, og datt mér ekki í hug að ég yrði vitni að hetjudáð þegar ég sat í matsal ME í hádeginu og át mat minn um leið og ég talaði við Hr. Nafnlausan.
Hr Nafnlaus tjáði mér að "professor nafnlaus" og "doktor nafnlaus" ættu hamstur sem þeir færu illa með, lituðu bláan og létu hann taka í nefið. Hr. Nafnlaus og ég vissum að aðgerðir voru nauðsynlegar, þannig að við "masterminduðum" rán (björgun) á hamstrinum, og eyddum öllum matartímanum í það.
Eftir langar samræður og erfiðar ákvarðanir vorum við komnir með fleiri nafnlausa til að taka þátt í planinu (mission hamstur rescue) og þótt ég segi sjálfur frá, skothelt plan að öllu leiti um björgunina.
Þegar það átti svo að hrinda áætluninni af stað fór það ekki betur en svo að Hr. Nafnlaus endaði á því að grípa hamstrabúrið fyrir framan nefið á eigundunum og hlaupa með það út, og fékk svör til baka s.s. "skilaðu honum svo" og "hehe..".
Eftir stutta veru á "rescue point one" kom eigandi hamstursins til að sækja hann, en hann gat tekið hann vandræðalaust því Hr. Nafnlaus 2 fann ekki nógu fljótt upp á einhverri lygi til að halda honum.
Þrátt fyrir glataða framkvæmd og hörmulega áætlun er ég viss um að hamstrinum hefur aldrei liðið jafn vel og hann gerði þennan klukkutíma sem hann var lokaður inn í skáp á "rescue point one".

Sherlock Jónas Holmes Cruise kveður að sinni, góðar stundir

2003-09-30T14:29:00.000-02:00

Jæja, þá er leiðinlegasti dagur vikunnar liðinn.
Annars fór ég í bíó í gær á myndina "Pirates of the Carabian" og verð að segja að þetta er bara mjög skemmtileg ævintýramynd í anda "Djöflaeyjan" og "Tomma og Jenna".
Fékk til baka fullt af verkefnum úr dönsku og íslensku og mér til furðu og ánægju leysti ég þau vel af hendi og hélt upp á það með því að hafa sáðlát á viðkomandi verkefni.
Er á þessari stundu étandi brauð með osti og skinku og undirbúa mig andlega sem og líkamlega undir það að fara til Tedda litla að spila Magi.. ég meina horfa á klám og drekka bjór..
Þangað til næst; Góðar stundir kæru vegfarendur

2003-09-28T21:42:00.000-02:00

NÝTT Í FRÉTTUM!
Nýjustu fréttir (sjá fyrir ofan) herma að ég sé ekki nógu duglegur í að blogga! Fréttastofunni barst nafnlaust hótunarbréf núna á fimmta tímanum í dag og getur fréttaskrifari lítið annað gert en að skella inn einni aumri færslu.
Það sem hefur verið að gerast í lífi mínu fyrir utan allsherjar nördaskap og magic er nákvæmlega:
ekki neitt
Eftir ítrekaðar og margendurtaktar rannsóknir á hátterni mínu hefur vísindalið mitt komist að niðurstöðu og hljóðar hún svo:
,,ég hef ekkert að gera"
Prófessorar við Bandarískan háskóla í Jan Mayen eru að sögn talsmanni þeirra Birni Svensen ekki hissa yfir niðurstöðum rannsóknarinnar, en þetta er sama niðurstaða og vísindamenn komust að í fyrra, árið þar áður, og seinustu 12 ár þar í viðbót.
Þess má til gamans geta að á morgun er dagur visku og lærdóms, þar sem skólinn byrjar, eins og hann er vanur að gera í vikubyrjun.

Jónas Reynir Gunnarsson kveður frá herbúðum öfgahópsins "Ali baba" í Tíbet.

Yfir og út.

2003-09-27T10:40:00.000-02:00

Skellti eitt stykki tengil á hann Helga gamla, sem er einnig þekktur sem "Grimmhildur". Ég vil nota tækifærið og þakka stuðningsmönnum "Ali Baba" söfnuðarins fyrir að skrifa í gestabókina mína.

2003-09-25T16:41:00.000-02:00

Ég horfði á fyrri helminginn af myndinni "Bowling for Columbine" eftir snillingin Michael Moore, en hann skrifaði einnig bókina "Stupid white man" sem ég verð að fara að kíkja í.
Þessi mynd lofar MJÖG góðu, reyndar algjör snilld það sem komið er og er Michael Moore orðinn viðurkenndur snilingur í mínum huga, og kominn í hóp vel valinna manna eins og Isaac Newton, Leonardo Da Vinci og Albert Einstein.
Fór að töffarast í gær (Magic), en það hefur nú ekki mikið drifið á daga mína undanfarið, eiginlega ekki neitt.
Sorglegt..
Sem minnir mig á lag með Bee Gees sem heitir einmitt "Tragedy", hvet ykkur til að niðurhlaða því ólöglega. Talandi um góð lög, þá covera "Fálkar frá Keflavík" lagið "Flugufrelsarinn" með "Sigur rós" alveg stórkostlega, og samkvæmt niðurstöðu dómnefndar er það splendað lag.
Þangað til næst;
Góðar stundir kjánabangsar

2003-09-23T21:21:00.000-02:00

Var að koma úr skólanum gamla þar sem ég hitti kennara á borð við Sigurð Arnarsson.
Hef eiginlega ekkert að segja þannig að ég sleppi því bara.

2003-09-21T20:55:00.000-02:00

Var að koma frá Magic móti í ME, ný sería að koma út, Mirodin.
Gekk hræðilega, lenti í næst seinasta sæti en græddi samt stokk og læti.
Þreyttur.
Góða nótt.

2003-09-19T17:55:00.000-02:00

Halló
Var að koma frá Akureyri nú fyrir fáeinum stundum síðan, en þar var ég einmitt á busa+LIM103 ferð með algjörum fávitum. Nei bara djók, frábært fólk við busarnir. Veðrið var slæmt þegar lagt var af stað klukkan 9 á fimmtudagsmorguninn og lágu margir á jörðinni og báðu til forfeðra sinna um að fá að lifa aðeins fáeina daga í viðbót, en svo lagaðist veðrið og fólkið fór að koma sér í rúturnar tvær. Á leiðinni hlustuðum við á fjöldaframleitt rusl sem sumir kalla "tónlist" í boði einhverra kreben dóa sem hafa.. já, rétt á sínum skoðunum og ætla ég ekki að niðurlægja hann neitt meira. Þegar komið var til Akureyrar fengum við okkur smá að borða og hentum svo draslinu okkar inn á KA heimilið.
Næst heimsóttum við Háskólann á Akureyri. Vegna fötlunnar minnar (ég borða ís MJÖG hægt) átti ég ennþá eftir gómsætan piparmyntu+súkkulaði kúluís þegar í háskólann var komið, og týmdi alls ekki að henda honum frá mér þannig að með úthugsaðri herkænsku og ofurmannlegum gáfum tókst mér að "grafa" hann í "snjóinn". Háskólinn er leiðinlegur og maður þarf að eiga rúllukragapeysu til að vera með, en ég náði að klára ísinn..
múhahah.
Næst fórum við í Verkmenntaskóla Akureyrar. Ég, Helgi og Bjartmar lentum í spjalli við einn kokkinn þar, sem spilar einmitt kánter með okkur og við týndum hópnum okkar og sluppum þar með við helminginn af ferðinni (wheee). Þegar sú heimsókn var búin fengum við frjálsan tíma og ákvaðum við strákarnir (ég, Hjalti, Pétur, Árni) að kíkja í Tónabúðina. Þegar við vorum búnir að rölta eitthvað aðeins um bæinn komumst við að þeirri sorglegu niðurstöðu að Árni hafði gleymt veskinu sínu í rútunni, og enduðum við á því að dansa trylltan dans á torgi Akureyrar. Eftir að hafa endurheimt veski Árna förum við á Greifann á pizzahlaðborð mikið þar
sem við þurftum að bíða í ca. 29 klukkutíma eftir pizzu, og loksins þegar hún kom var okkur raðað aftast í röðina.
Gaman að því.
Eftir pizzuna fórum við í bíó, og ég ákvað að elta hjörðina og fara á "American Wedding" en ég hefði betur sleppt því, vegna þess að þessi mynd er eins og við mátti búast alveg eins og hinar tvær helvítis myndirnar, sami húmor, sama dæmið, sömu brandararnir, bara aðeins ógeðslegri. Eftir bíó var haldið aftur á KA heimilið á splendað chill og ég spilaði við Freysa Magic og RÚSTAÐI HONUM!
Vann 5 spil af 5 !! Grunlaus um hefndaraðgerðir hans lagðist ég á svefnpoka minn og og hugðist sofa vært það sem eftir var af nóttu. Þegar loksins var komin þokkaleg ró á liðið (um kl hálf þrjú, þrjú) fór fólk að sofna eitt af öðru.. Þar á meðal Freyr. Eftir svona 5 mínútna svefn hjá drengnum fer hann að hrjóta. Í fyrstu kippti ég mér ekkert upp við það og reyndi bara að sofna.. En svo magnaðist það. Hroturnar urðu meiri og meiri, og meiri og meiri. Ég prófaði að ýta laust á öxlina á honum. Þá hættu hroturnar í ca. 5 sek. og héldu svo áfram tvöfalt
öflugri. Ég fylltist örvæntingu og fór að berja hann í andlitið, en allt kom fyrir ekki. Hroturnar héldu alltaf áfram. Ég fór að mölva hauskúpuna á honum með baseball kylfu en hroturnar héldu áfram! Ég hljóp niður og fann ryðgað járn, kom með það upp og fór að saga líkamspartana af Frey. Ég sagaði hausinn, hendurnar
og fæturnar og tróð öllu saman ofan í poka. Ég hljóp út og dýfði pokanum ofan í sýru og hellti niður baðkarið. Ég læddist upp í herbergi og lagðist á svefnpokann.. ahh loksins.. En NEI! Þá áttaði ég mig á því að það var Árni sem var búinn að vera að hrjóta allan tímann. Ég rétt pikkaði í hann og hann hætti strax, og ég svaf vært það sem eftir var nóttu. Daginn eftir vaknaði ég fyrstur þegar eitthvað fífl var með vekjara á gemsanum sínum um kl 7 ! Og vaknaði ekki við hann sjálfur. Kennararnir nenntu heldur ekki að reyna að vekja
okkur og stilltu gemsana sína á hæsta styrk og spiluðu hræðilegar hringingar fram og aftur þangað til allir voru komnir á fætur.
Ég var á mörkunum við að brjálast þegar ég sá að það var ekkert Kókó Pöffs í morgunmatnum en róaðist þegar ég sá marmelaðið.
Næst var heimsókn á Listasafnið á Akureyri og var hún svo leiðinleg að ég ætla algjörlega að sleppa því að skrifa um hana..
Damn.. Mistókst..
Eftir það fór ég í Myndlistarskólann og vakti grafíska hönnunardeildin þar mesta athygli hjá mér, gaman að þeim andskota.
Síðan var haldið heim og tekið stutt stopp á Mývatni minnir mig.. Þar fórum við í einhverja sjoppu, þar sem að stórt fiskabúr er.. og stór súpuskál með súpu dagsins.
Ónefndur aðili brá á það ráð að grípa eitt stykki gullfisk og skella í súpu dagsins.
HAHAHAHAHAHAHAHAHHAHAHAHAHAHA!
Svo fór ég heim, á hljómsveitaræfingu og skrifaði hingað í tölvuna. Nóg blogg í dag.
Góðar stundir

2003-09-17T21:22:00.000-02:00

heimska helvítis drasl sem fuckar upp íslensku stöfunum... $"#%!"#$&!# nenni ekki að skrifa þetta aftur

2003-09-17T21:21:00.000-02:00

Hej alle normandstreng!
Ã‰g og Ã�rni fluttum fyrirlestur okkar meÃ° glÃ¦silegum tilbrigÃ°um. Hann setti Ã¡ sig tÃ¶ffaragleraugun sÃn, var Ã jakka, og viÃ° skelltum einhverjum eldgÃ¶mlum vals Ã grÃ¦jurnar meÃ°an hann talaÃ°i um myndlist Ã¡ 19 Ã¶ld.. MjÃ¶g flott, mjÃ¶Ã¶Ã¶Ã¶g flott.
Ã‰g rÃ¦ktaÃ°i minn innri tÃ¶ffara Ã kvÃ¶ld og spilaÃ°i Magic aldrei Ã¾essu vant. Svo fer Ã©g Ã busaferÃ° Ã¡ morgun til Akureyrar og kem aftur Ã¡ fÃ¶studaginn, mun eflaust rita eina eÃ°a tvÃ¦r setningar um Ã¾aÃ°, en Ã¾angaÃ° til Ã¾Ã¡..
GÃ³Ã°ar stundir

2003-09-16T18:38:00.000-02:00

Eins og stendur er commentakerfið í skít og sturtu, ég hyggst laga það en þangað til ég geri það verð ég þekktur sem "Jónas, helvítis fíflið sem gat ekki gert neitt rétt"

2003-09-16T16:56:00.000-02:00

Hmm.. nú held ég að commentakerfi sé komið á síðuna..
Ég þakka Finni fyrir það.
Já.
Commentið takk
Ef ekki þá getiði sent Finni hótunarbréf hérna

2003-09-16T15:43:00.000-02:00

Eftirfarandi texti er fyrir nörda og enga aðra. Ef þú ert ekki nörd, þá lesist textinn svona:
konur, bjór, vodka

Allaveganna, ég fór á Magic mót í gær og var í öðru sæti. Sigurvegarinn var Björgvin. Ég tók einhvern magnaðasta Magic leik allra tíma gegn Zoffa, held ég sleppi að lýsa leiknum vegna þess hvað fáir muni skilja hann.
Ég lenti í hræðilegu atviki í íslensku í dag.. Ég sat í rólegheitunum og var að hlusta á Hrafnkellssögu þegar ég sé kónguló síga hægt niður úr loftinu beint fyrir framan mig. Í stundarbrjálaði og hræðslukasti öskraði ég hásum rómi: "JOOOOOÓNEEEY!! KÓNGULÓÓ!!". Mér til undrunar virtist kennarinn taka þessu með ró, og samnemendur mínir gerðu gys að mér. Áður en ég vissi var ég búinn að dúndra á hana með stílabókinni minni og getiði fundið leyfarnar af henni á miðjuborðinu í stofu 22.
Ég er svo bara að fara að læra. Danskir sagnir eru ástæðan fyrir að ég vakna á morgnana, og svo er líka stærðfræðipróf á morgun.
Hipp
hipp
HÚRRA!
góðar stundir

2003-09-15T15:53:00.000-02:00

Gerði mig illa að fífli í mötuneytinu í dag. Ég, með minn stóra heila, ákvað að setjast við borð sem var nálægt brauðinu svo ég þyrfti aðeins að teygja mig til að ná í duglega sneið af brauði. Allt gott og blessað með það þangað til ég ákveð svo að fá mér brauð.. Ég skelli lúkunni aftur fyrir mig, í átt að brauðinu og gríp eina glóðvolga sneið. Þegar ég er búinn að láta hana á diskinn minn tilkynna Gummi og Árni mér að ég hafi stolið brauði af ungri konu. Ég lýt aftur og sé tárin berarst fram úr augum hennar um leið og hún stekkur út um gluggann, full af reiði og brjálæði (skiljanlega) og hleypur til fjallana í átt að heimi þar sem saklaust fólk getur átt amk. eina brauðsneið í friði fyrir fíflum eins og mér.
Hef ég nú ákveðið að flytja til Kuala Lumpur, burt frá öllum brauðum og venjulegu fólki sem vill ekkert meira en að fá sér að borða.
Góðar stundir, vonandi eru tölvur í Kuala Lumpur

2003-09-14T21:33:00.000-02:00

Hej!
Skellti mér á lan í Fellaskúle um helgina, eins og áður sagði, ásamt fríðu föruneyti (Adda, Helga, Hjalla, Pétri, Bjarka, Jóa, Nonna, Oddi, Tedda, Gumma, Emil, Kristjáni) og var það mjög gaman. Spilaðir voru tölvuleikir eins og CS, NS, BF, VS, PVK, RBB og BSRB. Ég hef voðalega lítið að segja núna, en það er allt í lagi því að það les þetta enginn.. múhahaha MÚHAHHAHAHHAAH! Flyt grútleiðinlegan fyrirlestur með Árna Geir um myndlist í kringum 1900 á morgun, þangað til þá, Góðar stundir!

Spurning dagsins: Hvað er betra en danskar sagnir?
Svar: Allt

2003-09-11T20:43:00.000-02:00

Jæja, þá er ellefti september í dag, dagurinn á eftir þeim tíunda sem var í gær, en þá fór ég á magic spil í menntaskólanum frá 19:00 til 24:00. Það var rosa rosa gaman og verður einmitt magic mót næsta mánudag og ég hvet alla magic áhugamenn og konur til að mæta. Annars var ég á körfuboltaæfingu áðan, fékk krampa eftir upphitunina og það leið yfir mig áður en ég kom á sjúkrahúsið. Þegar ég kom heim missti ég fjarstýringuna og kviðsleit mig þegar ég var að teygja mig eftir henni. Þá datt ég á gólfið og rotaðist og er að skrifa úr sjúkraþyrlu á leið í Jan Mayen þar sem ég geng undir mjög erfiða aðgerð.
Með öðrum orðum, ég er ekki í neinu formi.
Næst á dagskrá hjá mér: Lan um þessa helgi í Fellaskóla þannig að þið 2 sem lesið þetta munið ekki sjá mikið um blogg þessa helgi. Á mánudaginn fer ég svo á magic mót, eins og áður sagði, og á fimmtudaginn fer ég til Akureyrar með öllum busum skólans. Helgina eftir það er ég að láta mig dreyma um að fara á litboltamót í borg dauðans. Jæja, ætla að fara aftur yfir enskuna, próf á morgun.
Góðar stundir kjánabangsar

og já, skrifið endilega í gestabókina

2003-09-10T12:41:00.000-02:00

Guten tag.
Ég er staddur hér í tölvuveri menntaskólans á Egilsstöðum (er stórt m? Svar óskast í gestabók) í LIM 103 og er að gera stórskemmtilegt verkiefni um listamannin Manet.
Það eina sem ég hef áorkað hingað til er að ná 48 flugum í þessum leik. This is quite boring, yes.
Fór til Hjalta í gærkvöld og við máluðum með olíumálningu og hlustuðum á bönd eins og Radiohead, Sigur rós og Coldplay. Frábær kvöldstund og mikil útrás, kynlífið heldur ekki af verri kantinum.
Ætla á töffarakvöld í kvöld, Magic spilerí hér í ME þar sem ég mæti galvaskur með minn eigin stokk. Svo er Magic mót hérna næstu helgi (minnir mig) og busa-akureyrar ferð helgina eftir það (minnir mig). Einnig er ég að reyna að plata strákana til að fara í road trip til Reykjavíkur og taka gott chill. Ég er viss um að það væri skemmtilegra en að gera hluti eins og taka fisk, hanga heima í tölvunni og reikna hnit.

2003-09-09T16:29:00.000-02:00

Góðan daginn, eða hóngsjalee eins og Árni Geir segir.
Lét inn linka á síðu þriggja snillinga hér til hægri. Jæja ekki kannski snillinga, Einstein var snillingur, Da Vinci og Newton en þessir menn eru með þeim skondnari. Heyrðu, talandi um skoplegt, þá er hér ein mjög góð

HAHH! Rúst!
En að heldur alvarlegri málum þetta er nauðsynlegt að kunna í nútímasamfélagi til að lifa af, ásamt karate (borið fram chalade (einkahúmor). Annars var ég að koma frá Tónlistarskóla Fellahrepps þar sem ég var að læra lög eins og Everything in it's right place, með Radiohead og X-Files lagið. Nú er stóra spurningin hvort ég nenni að sækja hljómborðið mitt niður í félagsmiðstöð, en á þeirri ákvörðun veltur á hvort ég á eftir að læra þessi lög til spilunar. Jónas latur.
Það er mjög óþolandi þegar maður rekur sig í kommu (´) og ætlar að stroka það út, en getur það ekki og svo ýtir maður á t.d. stafinn "d" og fær þetta út:
´d
Já öll höfum við örugglega einhvern tíman lent í þessu, og ef ekki þá ertu fífl.
Blehh mér leiðist, sést það?
OH WELL, þangað til næst, góðar stundir kæru aðdáendur!

2003-09-08T22:37:00.000-02:00

Var að rekast á þessa mynd hérna áðan, en ástæðan fyrir því að hún er hér er að ég er einmitt á miðri myndinni, skjálfandi eins og aumingi með hor. Ahhh gömlu góðu dagarnir þegar maður var busi.
TVÖFÖLD DANSKA Á MORGUN! WHOO HOOOO!

2003-09-08T21:54:00.000-02:00

Var að skella upp gestabók
Virkaðu nú helvítið þitt!
Já þetta virkar, endilega skiljið eftir nótu.
góðar stundir

2003-09-08T16:53:00.000-02:00

Var að koma af rúntinum með Hjalta og Þórörnu þar sem ég var greinilega ekki velkominn, enda henti Þórarna mér út hjá húsinu mínu. Með þessar rökfærslur í huga dreg ég þá ályktun að þau mega fara í rassgat.
En að öðrum málum, ég hef ekkert að gera, en á þó talsvert af appelsíni sem ég hef ekki verið nógu duglegur að klára.
Setning dagsins: "stundum er gott að borða tyggjó"
Já ég tók frekar hart til orða þarna, smá spaug.

2003-09-08T13:43:00.000-02:00

Var í LIM 103, þetta er afrakstur tímans:

:l

Þess má geta að ég átti að vera að finna upplýsingar um sögu myndlistar í kringum aldamótin 1900

2003-09-07T20:43:00.000-02:00

Var að koma frá Hjalta þar sem ég, Hjalti og Lilja horfðum á myndina Vanilla Sky. Splendid mynd þar á ferð, dálítið "ga ga" eins og unglingarnir segja nú til dags en allt í lagi. Ég þakka Hjalta fyrir appelsínið, snakkið og æði-bitana.

En að allt öðrum málum shit hvað mig langar í paintball! Ég ætla að checka á morgun hvað ég á mikinn pening, þarf ca 40 þús. fyrir merkjara+grímu+kút+öllu, einnig ætlar kynlífsfélagi minn Pétur að fá sér líka, það verður klikkað. Þetta er merkjarinn sem ég ætla að fá mér, Tippmann 98.
Skóli á morgun :( ætli maður verði ekki að fara að gera sig kláran, góðar stundir!

2003-09-07T17:20:00.000-02:00

Jæja, þá er maður kominn með blogg..
Ákvað að vera með þetta blogger kjaftæði gegn mínum vilja, en þar sem ég er svo latur að hanna einhverja almennilega síðu verð ég að nota þetta þangað til.
Ég hefði kannski átt að byrja með þetta fyrr svo ég hefði náð að tala um tvo stærstu atburði í lífi mínu, busunina og þegar mamma keypti stóran honey nut cheerios pakka, en jæja. Lífið er hvort sem er búið þegar maður er orðinn tvítugur þannig að ég er að syngja mína seinustu tóna. Annars var busunin mjög góð og kenndi mér að meta mysu með hákarl út í, hrossaskít, hveiti og vatn og einhvern annan viðbjóð sem ég veit ekki einu sinni hvað er. Ég, Addi, Hjalli og Helgi vorum á rúntinum um kvöldið þegar busaballið var og var það mjög svo gaman, blossuðu upp þvílíku heimspekilegu, stjarnfræðilegu og kynferðislegu samræðurnar það kvöld, splendid alveg hreint. Það var svo stjörnubjart að Addi sá 26.7 UFO fljúgandi :)
Annars var fíflið hann Addi að slá mig út í þessum leik áðan með 822 í score. Ég náði 40...
Áhugavert...
Jæja, ég á eftir að bulla eitthvað meira á eftir, ætla að fikta í þessu blessuðu bloggi eitthvað, góðar stundir!